کراچی : ایم کیو ایم کے قائد الطاف حسین نے ملک میں قومی حکومت بنانے کا مطالبہ کردیا ، الطاف حسین کہتے ہیں کہ تمام کورکمانڈرز کو کہتا ہوں کہ اب دیر نہ کریں۔
اپنے ایک انٹرویو میں ایم کیو ایم کے قائد الطاف حسین کاکہنا تھا کہ حکومت کی جانب سے فوج کے امیج کو بگاڑنے کی کوشش کی گئی اگر وہ وزیراعظم کی جگہ ہوتے تو اب تک استعفیٰ دے چکے ہوتے۔
انہوں نے کہا کہ نواز شریف نے فوج کو دنیا بھر میں بدنام کیا ہے ، اسمبلی سے منتخب وزیراعظم نے قوم سے غلط بیانی کی اب انہیں عہدے پر رہنے کا کوئی جواز نہیں۔
- Advertisement -
انہوں نے پاک فوج سے اپیل کی کہ خدارا ملک کو بچایا جائے اور صورتحال کو بہتر بنانے کیلئے فوج مداخلت کرے، ایسا نہ ہو کہ جمہوریت اور آئین کے چکر میں ملک تباہ ہوجائے۔
الطاف حسین نے یہ بھی کہا کہ سابق صدر پرویزمشرف کے خلاف آرٹیکل چھ غیر قانونی ہے ۔
