بہاولپور ائیرپورٹ پرطیارے کےلینڈنگ گیئر سےجانور ٹکرا گیا تاہم خوش قسمتی سے حادثے میں مسافر محفوظ رہے۔
سول ایوی ایشن ذرائع کے مطابق نجی چارٹرڈ پرواز کا طیارہ کراچی سےبہاولپور پہنچا تھا جہاں سے مریض کو اسلام آباد منتقل کرنا تھا۔
بہاولپورائیرپورٹ پر ٹیک آف کے دوران گیدڑ کا بچہ طیارے سے ٹکرایا تو پائلٹ کوشعبہ ہوا کہ لینڈنگ گیئر کے ٹائر سےکوئی چیز ٹکرائی ہے۔
پائلٹ نےطیارےکے اڑان بھرنےکےفوراً بعد ائیرٹریفک کنٹرول سے رابطہ کیا اور صورتحال سے آگاہ کیا۔ شعبہ ائیرسائیڈ ٹیم نےرن وے کا جائزہ لیا تو وہاں گیڈر کا بچہ مرا ہوا پایا گیا۔
ائیرسائیڈکی ٹیم نےمردہ جانور کو ہٹاکر رن وےبحال کر دیا۔ نجی پروازاسلام آبادپہنچنےپرٹیکنکل ماہرین نےاس کا تفصیلی معائنہ کیا تاہم طیارے کو کوئی نقصان نہیں پہنچا تھا۔ سی اےاےکی ٹیکنیکل ٹیم نےنجی چارٹرڈ طیارےکو کلیئر کر دیا۔
