اسلام آباد : وزیراعظم عمران خان پارلیمنٹ ہاؤس پہنچ گئے ، جہاں وہ ملاقات میں ایم این ایز،سینیٹرز کو مشترکہ اجلاس میں حاضری یقینی بنانےکی ہدایت کریں گے۔
تفصیلات کے مطابق پارلیمنٹ کے مشترکہ اجلاس میں اہم بلز کی منظوری کیلئے وزیراعظم عمران خان خود متحرک ہیں ، اس سلسلے میں وزیراعظم عمران خان پارلیمنٹ ہاؤس پہنچ گئے ہیں۔
وزیراعظم پارلیمنٹ ہاؤس اپنے چیمبر میں اہم ملاقاتیں کریں گے ، جس میں پارلیمنٹ کے مشترکہ اجلاس پر مشاورت کی جائے گی۔
- Advertisement -
وزیراعظم سے مختلف حلقوں کے ارکان پارلیمنٹ اورکابینہ کے ارکان بھی ملاقاتیں کریں گے ، جس میں وزیراعظم ایم این ایز،سینیٹرز کو مشترکہ اجلاس میں حاضری یقینی بنانےکی ہدایت کریں گے۔
وزیراعظم کی زیر صدارت معمول کے اجلاس ،وفود کی ملاقاتیں بھی ہوں گی جبکہ مشترکہ اجلاس کی وجہ سےوزیر اعظم نے آج کابینہ کا اجلاس بھی مؤخرکردیا ہے۔
