کراچی: کراچی سے دبئی جانےوالی پرواز ایف زیڈ330کئی گھنٹے تاخیر کا شکار ہوگئی ہے۔
تفصیلات کے مطابق کراچی سےدبئی جانےوالی پرواز ایف زیڈ330 کئی گھنٹے تاخیر کا شکار ہوگئی ہے،پرواز رات ایک بج کر5منٹ پر شیڈول تھی، مسافروں کوطیارےمیں2بار سوار کرنےکےبعداتار دیا گیا جس پر مسافروں نے احتجاج بھی کیا۔
حکام نے بتایا کہ طیارےکےانجن میں اچانک تکنیکی خرابی پیدا ہوئی، جس کی وجہ سے جہاز کو روانہ نہیں کیا جاسکا، طیارے کےانجن کو ٹھیک کرنےکےلیےپارٹس لیکر دوسری پرواز دبئی سےکراچی پہنچ گئی ہے، جلد تکنیکی خرابی دور کرنے کے بعد مسافروں کو روانہ کیا جائے گا۔
یہ بھی پڑھیں: لاہور سے کراچی کی پرواز میں تکنیکی خرابی، 18 اراکین سندھ اسمبلی بھی جہاز میں موجود
گذشتہ ماہ بھی لاہور سے کراچی جانے والی نجی پرواز پی اے 405 تکنیکی مسئلے کی وجہ سے تاخیر کا شکار ہوئی، خرابی کے بعد فلائٹ کو ٹیک آف پوائنٹ سے واپس رن وے پر پہنچایا گیا۔
اس پرواز میں اراکین سندھ اسمبلی سمیت دیگر مسافر سوار تھے، جنہیں انتظامیہ نے خرابی کے باوجود بھی لاؤنج میں منتقل نہیں کیا تھا۔
