دودوما: مشرقی افریقی ملک تنزانیہ میں شیروں نے سڑک بلاک کردی اور مناظر سوشل میڈیا پر وائرل ہوگئے۔
تنزانیہ کے جنگل میں سیاحوں کو دلچسپ صورت حال کا سامنا اس وقت کرنا پڑا کہ جب ان کے سامنے شیر آگئے اور سڑک بلاک کردی، جنگل کے بادشاہ کافی دیر تک روڈ پر آرام کرتے رہے۔
جنگل سفاری جیپ اس وقت تک گزرنے کے انتظار میں کھڑی رہی جب تک شیر وہاں سے نہ اٹھے۔ انٹرنیٹ پر وائرل ویڈیو میں دیکھا گیا کہ پہلے صرف دو شیر سڑک پر خود کو سستا رہے تھے جس کے بعد تیسرا شیر بھی آگیا۔
سیاحوں کی متعدد گاڑیاں جنگل کی سیر کررہی تھی کہ اس دوران انہوں نے یہ حیران کن صورت حال دیکھی اور شیروں کی اس حرکت کو کیمرے کی آنکھ سے قید کرلیا۔
مناظر دیکھ کر سوشل میڈیا صارفین نے دلچسپ تبصرے کیے۔ خیال رہے کہ افریقی ممالک میں جانوروں کو محفوظ رکھنے اور سیاحت کے فروغ کیلئے پارکس تیار کیے گئے ہیں جہاں کی سیر کے لیے متعدد سڑکیں ہوتی ہیں اور وہاں اس طرح کے واقعات عام دیکھنے کو ملتے ہیں۔
Roadblock in Tanzania.. pic.twitter.com/SQwblplclP
— Buitengebieden (@buitengebieden_) December 18, 2021
