کراچی : پولیس اہلکاروں کی رشوت ستانی سے تنگ قیدی نے عدالت میں درخواست دائر کردی، جوڈیشل مجسٹریٹ شفقت حسین نے آئی جی جیل خانہ جات کو معاملے کی تحقیقات کرنے کا حکم دے دیا۔
تفصیلات کے مطابق عدالت نے ہدایت جاری کی ہے کہ معاملے کی مکمل تحقیقات کرکے رپورٹ جلد از جلد پیش کی جائے۔
جوڈیشل مجسٹریٹ کا کہنا ہے کہ معلوم کیا جائے کیا واقعی پولیس افسران و اہلکار انڈر ٹرائل قیدیوں کو عدالت میں پیش کرنے کیلئے ان سے رشوت طلب کرتے ہیں؟۔
- Advertisement -
درخواست گزار قیدی نے اپنی درخواست میں مؤقف اختیار کیا تھا کہ عدالت میں پیش کرنے کیلئے جیل پولیس ان پیسے لیتی ہے، پیسے دینے والوں کو3یا4قیدیوں کے ساتھ الگ سے عدالت لایا جاتا ہے۔
درخواست گزار کا کہنا ہے کہ پیسے نہ دینے پر10,10 قیدیوں کے ساتھ عدالت لایا جاتا ہے، جس کے باعث ہمیں جج کے سامنے پیش کرتے کرتے دوپہر کا ایک بج جاتا ہے۔
