کوئٹہ: صوبہ بلوچستان میں کرونا وائرس کے مثبت کیسز کی شرح 9.28 فیصد ہوگئی، ایک روز میں 40 نئے کرونا کیسز رپورٹ کیے گئے۔

تفصیلات کے مطابق صوبہ بلوچستان میں گزشتہ 24 گھنٹوں کے دوران کرونا وائرس کے مثبت کیسز کی شرح 9.28 فیصد رپورٹ کی گئی۔

صوبائی دارالحکومت کوئٹہ میں کرونا وائرس کے مثبت کیسز کی شرح 9.90 فیصد رپورٹ کی گئی۔

محکمہ صحت بلوچستان کا کہنا ہے کہ ایک روز کے دوران صوبے میں کرونا وائرس کے 40 نئے کیسز رپورٹ ہوئے، تمام کیسز کا تعلق کوئٹہ سے ہے۔

یاد رہے کہ بلوچستان سمیت ملک بھر میں کرونا وائرس کی پانچویں لہر کا زور ٹوٹ رہا ہے، ملک میں مثبت کیسز کی شرح 5.62 فیصد ہوگئی۔

گزشتہ 24 گھنٹوں کے دوران ملک میں 2 ہزار 662 نئے کرونا کیسز رپورٹ ہوئے جبکہ 29 مزید اموات ہوئیں۔