کراچی ٹیسٹ کے چوتھے روز کھیل کے اختتام پر پاکستان نے دوسری اننگز میں 2 وکٹوں کے نقصان پر 192 رنز بنالیے، پاکستان کو جیت کے لیے مزید 314 رنز درکار ہیں جبکہ آسٹریلیا کو جیت کے لیے آٹھ وکیں لینا ہوں گی۔
بابر اعظم نے شاندار سنچری اسکور کی وہ 102 رنز کے ساتھ کریز پر موجود ہیں، بابر اعظم کی اننگز میں 12 چوکے شامل تھے۔
کراچی ٹیسٹ کے چوتھے روز آسٹریلوی کپتان پیٹ کمنز کی پچ ہر ہتھوڑے مارنے کی ویڈیو وائرل ہوگئی۔
پی سی بی کی جانب سے شیئر کی جانے والی ویڈیو میں دیکھا جاسکتا ہے کہ پیٹ کمنز ایک ہتھوڑا اٹھائے کریز کے قریب پچ کو مار رہے ہیں اور ان کے قریب میں امپائر سمیت دیگر کھلاڑی بھی موجود ہیں۔
خیال کیا جارہا ہے کہ پیٹ کمنز پچ کو اس لیے کھودنے کی کوشش کررہے ہیں کہ کیونکہ جب بولر بولنگ کروانے کریز کے قریب پہنچتا ہے تو سخت مٹی کی وجہ سے اس کا پاؤں پھسل سکتا ہے ۔
So @patcummins30 is Thor ? 😲#BoysReadyHain l #PAKvAUS pic.twitter.com/kAn8oqtVWn
— Pakistan Cricket (@TheRealPCB) March 15, 2022
تاہم کریز والی جگہ کو ہموار بنانے کیلئے کمنز پچ کے کچھ حصے کو ہتھوڑے کے مدد سے کھود رہے ہیں۔
دوسری جانب سوشل میڈیا پر ویڈیو وائرل ہونے کے بعد صارفین کی جانب سے دلچسپ تبصرے کیے جارہے ہیں۔
