کراچی ٹیسٹ میچ کے آخری روز ڈیوڈ وارنر کے پچ پر ہتھوڑا مارنے کی ویڈیو پر ان کی اہلیہ کینڈی وارنر نے دلچسپ ٹویٹ کردیا۔
پاکستان کرکٹ بورڈ (پی سی بی) کی جانب سے گزشتہ روز سماجی رابطے کی ویب سائٹ ٹویٹر پر ویڈیو شیئر کی گئی تھی جس میں ڈیوڈ وارنر تسلی سے زمین پر بیٹھ کر ہتھوڑے کی مدد سے پچ کو ہموار کرنے کی کوشش کررہے تھے۔
ڈیوڈ وارنر کی ویڈیو پر سوشل میڈیا صارفین کی جانب سے دلچسپ تبصرے کیے گئے تھے۔
اب اس ٹویٹ پر وارنر کی اہلیہ نے بھی دلچسپ ردعمل دیتے ہوئے لکھا کہ ’میری خواہش ہے کہ ڈیوڈ وارنر یہ کام گھر میں بھی اتنی ہی دلچسپی سے کریں۔‘
I wish @davidwarner31 would do this a little bit more around the house!! 🤣🤣 https://t.co/hFhdFGqPTA
— Candice Warner (@CandiceWarner31) March 17, 2022
واضح رہے کہ آسٹریلیا نے کراچی ٹیسٹ کے چوتھے روز قومی ٹیم کو 506 رنز کا ہدف دیاتھا لیکن بابراعظم، عبداللہ شفیق اور محمد رضوان کی شاندار کارکردگی کی بدولت پاکستان ٹیم ٹیسٹ ڈرا کرنے میں کامیاب ہوگئی۔
پاکستان اور آسٹریلیا کے درمیان تین میچوں کی سیریز 0-0 سے برابر ہے، دونوں ٹیموں کے درمیان تیسرا اور آخری ٹیسٹ میچ 21 سے 25 مارچ تک لاہور کے قذافی اسٹیڈیم میں کھیلا جائے گا۔
