قومی ٹیم کے کپتان بابراعظم کے شاندار کیچ نے ایک بار پھر عثمان خواجہ کو سنچری سے محروم کر دیا۔
لاہور کے قذافی اسٹیڈیم میں کھیلے جارہے سیریز کے آخری میچ کے پہلے روز بابراعظم نے ڈائیو لگا کر عثمان خواجہ کا کیچ پکڑ کر ان کی امیدوں پر پانی پھیر دیا۔
بائیں ہاتھ کے بلے باز ذمہ دارانہ انداز میں اننگز کو بڑھا رہے تھے کہ ایک بار پھر نروس نائیٹیز کا شکار ہو گئے وہ صرف 9 رنز کی دوری سے سنچری مکمل نہ کر سکے۔
Babar, oh Babar!
Phenomenal effort by the skipper and @SajidKhan244 gets the prize. #BoysReadyHain l #PAKvAUS pic.twitter.com/Nzfye4YxTe— Pakistan Cricket (@TheRealPCB) March 21, 2022
تیسرے سیشن میں ساجد خان کی گیند پر جب وہ بائیں جانب کھیلنے گئے تو گیند نے بلے کا باہری نکارا لیا جہاں سلپ میں کھڑے کپتان نے ڈائیو لگا کر ایک ہاتھ سے کیچ تھام لیا۔
زبردست کیچ لینے پر نائب کپتان محمد رضوان سمیت ساتھی کھلاڑیوں نے بابراعظم کو داد دی تو عثمان خواجہ حسرت بھری نگاہوں سے دیکھتے رہے۔
