سندھ حکومت نے مختلف سرکاری محکموں کیلیے گاڑیاں خریدنے کا فیصلہ کیا ہے جس کی مالیت ڈیڑھ ارب روپے سے زائد ہے۔
اے آر وائی نیوز کے مطابق سندھ حکومت نے مختلف سرکاری محکموں کیلیے گاڑیاں خریدنے کا فیصلہ کیا ہے جس کی مجموعی مالیت ڈیڑھ ارب روپے سے زائد ہوگی۔
ذرائع نے بتایا کہ جن محکوں کیلیے گاڑیاں خریدی جائیں گی ان میں وزیراعلیٰ سیکریٹریٹ، محکمہ خزانہ اور محکمہ ثقافت شامل ہیں۔
- Advertisement -
اس کے علاوہ سندھ پولیس کے لیےموبائل سمیت 521 گاڑیاں خریدی جائیں گی جن کی مالیت 1.62 ارب روپے ہوگی۔
محکمہ جیل خانہ جات، پبلک پرائیوٹ پارٹنر شپ یونٹ کیلئے گاڑیاں خریدی جائیں گی۔
ذرائع نے بتایا کہ گاڑیوں کی خریداری سے متعلق سمری آج سندھ کابینہ کے اجلاس میں پیش کی جائیگی۔
