سوشل میڈیا پر ایک مزاحیہ ویڈیو وائرل ہورہی ہے جس میں برطانوی شہری چلتی گاڑی سے گر گیا۔
غیرملکی خبررساں ادارے کی رپورٹ کے مطابق برطانوی شہری بی ایم ڈبلیو سے گر گیا جب اس کے دوستوں نے برطانیہ میں ایک تقریب سے واپسی کے دوران گاڑی دوڑا دی۔
یہ واقعہ اتوار کو برطانیہ کے واروک کے برٹش موٹر میوزیم میں منعقدہ "الٹیمیٹ بی ایم ڈبلیو کار میٹ” میں پیش آیا۔
ویڈیو میں اپ لوڈ کردہ چار دوستوں کے ایک گروپ کو اسٹائلش ی ایم ڈبلیو میں جگہ چھوڑتے ہوئے دکھایا گیا ہے۔
سیاہ لباس میں ملبوس شخص ڈراپ ٹاپ بی ایم ڈبلیو کی پشت پر ایک اور دوست کے ساتھ بیٹھا ہوا نظر آتا ہے۔ اس کے دوست نے شروع میں آہستہ سے گاڑی چلانے کی کوشش کی پھر اس کی رفتار کو بڑھانے لگا۔
ڈرائیور دوست اس بات سے بے خبر تھا پیچھے دوست کنارے پر بیٹھا ہے، جیسے ہی گاڑی کی اسپیڈ بڑی تو نوجوان پیچھے سڑک پر گر گیا۔
دوست کے گرتے ہی دوسرے دوست نے آگے جاکر گاڑی روک دی، اس کے بعد وہ بی ایم ڈبلیو کی طرف واپس جاتے دیکھا جاسکتا ہے۔
یہ لمحہ اس لڑکے اور اس کے دوستوں کے لیے شرمناک تھا، اس ویڈیو پر صارفین کا ملا جلا ردعمل دیکھنے میں آرہا ہے۔
