شوبز انڈسٹری کی معروف اداکارہ جویریہ سعود نے دعا زہرہ کے والدین کو مشورہ دے دیا۔
گزشتہ دنوں کراچی سے لاپتا ہونے والی دعا زہرہ نے لاہور میں ظہیر احمد نامی لڑکے سے نکاح کیا عدالت نے دعا کو شوہر کے ساتھ جانے کی اجازت دے دی۔
دعا زہرہ کے لاپتا ہونے پر متعدد شوبز شخصیات نے ان کی بازیابی کے لیے پوسٹ شیئر کی تھیں۔
اب اداکارہ جویریہ سعود نے فوٹو اور ویڈیو شیئرنگ ایپ انسٹاگرام پر پوسٹ شیئر کی اور دعا زہرہ کے والدین کو مشورہ دیا۔
جویریہ نے لکھا کہ ’الحمدللہ دعا خیریت سے ہے، والدین سے میری گزارش ہے کہ گھر میں بیٹیوں کے لیے ایسے حالات پیدا نہ کریں کہ ان کو اپنا گھر دوزخ لگنے لگے اور وہ جنت کی تلاش میں مجبوراً گھر سے باہر قدم نکالیں۔
اداکارہ نے لکھا کہ اللہ سب بیٹیوں کے نصیب بلند فرمائے آمین۔
اے آر وائی ڈیجیٹل کے ڈرامہ سیریل ’امانت‘ میں مرکزی کردار نبھانے والی اداکارہ عروہ حسین نے بھی لکھا تھا کہ ’دعا زہرہ بدسلوکی کے خلاف اٹھ کھڑی ہوئی چاہے وہ والدین کی طرف سے ہو۔‘
عروہ نے لکھا کہ ’جس طرح بچوں کو سکھایا جاتا ہے کہ والدین کے ساتھ کیسے برتاؤ کریں اسی طرح والدین کو بچوں کے ساتھ برتاؤ کا سبق ملنا چاہیے۔‘
#DuaZehra stood up against Abuse, be it from a parent! Just like kids are taught how to behave with parents, parents should get lessons on how to behave with children, specially on this side of the world. Stop asking the gov so your child comes home, rather regret ur mistreatment
— URWA HOCANE (@VJURWA) April 26, 2022
واضح رہے کہ کراچی سے لاپتہ ہونے والی دعا زہرہ نے اپنے ویڈیو بیان میں کہا تھا کہ میں اپنے گھر میں خاوند کے ساتھ بہت خوش ہوں، خدارا مجھے تنگ نہ کیا جائے۔
ویڈیو پیغام میں دعا زہرہ کا کہنا تھا کہ میں نے اپنی مرضی سے ظہیر احمد سے شادی کی۔