پاکستان ڈرامہ انڈسٹری کی معروف اداکارہ مشی خان نے عفت عمر کو ماہرِ نفسیات سے رجوع کرنے کا مشورہ دے دیا ہے۔
سماجی رابطے کی ویب سائٹ ٹوئٹر پر گزشتہ روز عفت عمر نے ٹوئٹ کیا تھا کہ پاکستان تحریک انصاف کے ترجمان کے مطابق عمران خان کی اہلیہ بشریٰ بی بی گھریلو خاتون ہیں لہٰذا وہ دھرنے میں شریک نہیں ہوں گی۔
عفت عمر نے یہ ٹوئٹ طنزیہ کیا تھا۔ ان کا مزید کہنا تھا کہ ”مطلب جو شریک ہوں گی وہ گھریلو خواتین نہیں؟“
اس پر ردعمل دیتے ہوئے اداکارہ مشی خان نے کہا کہ مجھے اب یقین ہوگیا ہے کہ تمہیں کسی ماہرِ نفسیات کے پاس جانے کی ضرورت ہے۔ اس کی وجہ بتاتے ہوئے مشی خان نے کہا کہ تمہارا ذہنی توازن بگڑ چکا ہے۔
Now am sure. Tumy psychiatrist ky pass janay ki zaroorat hy bcz you have a major breakdown up there. Bee Jamalo is apt for you. https://t.co/jKr6hgYKMV
— Mishi khan (@mishilicious) May 24, 2022
مزید پڑھیں: ٹاک ٹاکر کے وضاحتی بیان پر مشی خان کا ردعمل
کچھ روز قبل مشی خان نے مارگلہ ہلز پر مبینہ طور پر آگ لگا کر ویڈیو بنوانے والی ٹاک ٹاکر کے وضاحتی بیان پر اپنے ردعمل کا اظہار کیا تھا۔
انسٹا گرام پر مشی خان نے اسٹوری میں ٹک ٹاکر کے وضاحتی بیان کو جعلی قرار دے دیا اور کہا کہ ٹک ٹاکر نے اپنے عمل کو چھپانے کے لیے ایک جھوٹی کہانی بنائی، مجھے یقین ہے کہ اس نے سب جھوٹ کہا، انہیں مطالعے اور کچھ عقل کی ضرورت ہے۔
اداکارہ نے کہنا تھا کہ اگر آگ لگی تھی تو رپورٹ کرتیں، ٹک ٹاک بنانی ضروری تھی؟ انہوں نے ٹاک ٹاکر کی ویڈیو کو مجرمانہ عمل قرار دیا۔