کراچی / لاہور: ملک میں شہباز شریف کی حکومت نے غریبوں کو خون کے آنسو رلا دیے، دو ماہ کے اندر بنیادی اشیا کی قیمتیں آسمان پر پہنچ گئیں اور غریب کا جینا محال ہوگیا۔
تفصیلات کے مطابق ملک میں مسلم لیگ ن کی حکومت نے غریب کا جینا محال کردیا، زندگی کی گاڑی کھینچتے کھینچتے لوگ خون کے آنسو رو گئے۔
لوگوں کا کہنا ہے کہ سابق وزیر اعظم عمران خان نے غریبوں کو ریلیف دیا تھا، موجودہ حکومت اپنے اللے تللوں کے لیے عوام کو مہنگائی اور ٹیکسز کے بوجھ تلے دبا رہی ہے۔
یاد رہے کہ موجودہ حکومت نے اقتدار میں آتے ہی صرف 2 ماہ کے اندر پیٹرول، بجلی اور گیس کی قیمتوں میں کئی گنا اضافہ کردیا تھا۔
صرف گزشتہ ہفتے کے دوران مہنگائی میں ریکارڈ اضافہ دیکھا گیا۔ ایک ہفتے میں مہنگائی کی شرح میں 3.63 فیصد کا ریکارڈ اضافہ ہوا۔
ادارہ شماریات کا کہنا ہے کہ ایک سال میں ڈیزل 129 فیصد اور پیٹرول 106 فیصد مہنگا ہوا، پیاز 113 فیصد، گھی 85 فیصد اور خوردنی تیل 73 فیصد مہنگے ہوئے۔
