کراچی/لاہور: عمران خان کی گرفتاری کی خبروں پر پی ٹی آئی کارکن ملک بھر میں سڑکوں پر سراپا احتجاج بن گئے۔
تفصیلات کے مطابق عمران خان کی گرفتاری کی اطلاعات پر ملک کے مختلف شہروں میں پی ٹی آئی کے کارکن اپنے قائد سے اظہار یک جہتی کے لیے سڑکوں پر نکل آئے۔
کراچی میں شارع فیصل پر علی زیدی کی رہنمائی میں نرسری کے قریب پی ٹی آئی رہنماؤں اور کارکنان نے احتجاج کیا، کارکنان انصاف ہاؤس پہنچ گئے، اور پی ٹی آئی چیئرمین عمران خان کے حق میں نعرے لگائے، نرسری کے قریب احتجاج میں خواتین بھی شریک ہوئیں۔
سندھ کے صدر سید علی حیدر زیدی کا کراچی میں جاری چیئرمین عمران خان کی گرفتاری کے خلاف احتجاج میں شرکاء سے خطاب۔#عمران_خان_ہماری_ریڈ_لائن @AliHZaidiPTI #WeNeedImranKhan pic.twitter.com/eXKJTQTTgH
— PTI East Karachi (@PTIEastKHI) August 21, 2022
لاہور کے لبرٹی چوک پر پی ٹی آئی کارکنان بڑی تعداد میں جمع ہوئی، پشاور، گوجرانوالہ، حافظ آباد، سیالکوٹ، فیصل آباد، اوکاڑہ، ساہیوال، ملتان، رحیم یار خان، بہاولپور، صادق آباد میں بھی کارکنوں نے شدید احتجاج کیا، اور عمران خان اور اے آر وائی نیوز کے حق میں نعرے لگائے۔
عمران خان کی گرفتاری کی خبریں، پی ٹی آئی قیادت اور کارکنان بنی گالہ پہنچ گئے
دوسری طرف عمران خان کی گرفتاری کی خبریں پھیلنے کے بعد پی ٹی آئی کے کارکنوں کی بڑی تعداد بنی گالہ کے باہر جمع ہو گئی ہے، تحریک انصاف کی قیادت بھی بنی گالہ پہنچ گئی ہے۔
عمران خان کے جانثار فیصل آباد سمندری روڈ dtype pull پر ابھی تک دھرنا جاری رکھے ہوئے ہے pic.twitter.com/2ZgPO3vVb1
— Farrukh Habib (@FarrukhHabibISF) August 21, 2022
کراچی کے رہنماؤں اور گلگت بلتستان کے وزیر اعلیٰ سمیت ملک بھر سے پی ٹی آئی رہنماؤں نے کارکنان کو بنی گالا پہنچنے کی ہدایت کر دی ہے، اسد عمر اور مراد سعید بھی بنی گالا پہنچ گئے ہیں۔
گزشتہ روز لیاقت باغ راولپنڈی میں جلسے سے خطاب میں عمران خان نے کہا میں جیلوں سے نہیں ڈرتا، حقیقی آزادی کے حصول تک سڑکوں پر رہوں گا۔