ممبئی: بالی وڈ کے سادگی پسند معروف اداکار نوازالدین صدیقی نے فلم ’ہڈی‘ سے خاتون کے روپ میں اپنی پہلی جھلک جاری کر دی جس میں انہیں پہچاننا مشکل ہے۔
بھارتی میڈیا کے مطابق ’زی اسٹوڈیوز‘ کی فلم ’ہڈی‘ کا پوسٹر آج 23 اگست کو ریلیز کیا گیا ہے۔ پوسٹر میں نوازالدین صدیقی کو خاتون کے روپ میں دیکھ کر ہر کوئی حیران رہ گیا۔ فلم 2023 میں ریلیز ہوگی۔
مزید پڑھیں: نوازالدین صدیقی کو ہالی وڈ فلم میں مرکزی کردار مل گیا
نوازالدین صدیقی نے فلم ’ہیروپنتی 2‘ میں ’لیلیٰ‘ کا کردار نبھا کر مداحوں کی تعریفیں سمیٹی تھیں۔ اب ’ہڈی‘ کے پوسٹر میں انہیں خاتون کے روپ دھارے دیکھ کر مداحوں کی دلچسپی بڑھ گئی ہے۔
ٹوئٹر پر اداکار نے بتایا کہ فلم کی شوٹنگ جاری ہے اور یہ الگے سال ریلیز کی جائے گی۔
https://twitter.com/Nawazuddin_S/status/1561963934181048320?s=20&t=kjpg4Yi64AxYqZxLPg4Nlg
