دہلی: بھارتی تاجر اور اڈانی گروپ کے مالک گوتم اڈانی دنیا کے تیسرے امیر ترین شخص بن گئے ہیں۔
بلومبرگ بلین ائیر انڈیکس کے مطابق گوتم اڈانی 137.4 ارب ڈالرز کے اثاثوں کے ساتھ فرانس سے تعلق رکھنے والے برنارڈ آرنلٹ کو پیچھے چھوڑتے ہوئے دنیا کے امیر ترین افراد کی فہرست میں تیسرے نمبر پر آگئے ہیں۔
رپورٹ کے مطابق یہ پہلا موقع ہے جب کوئی ایشیائی شخص بلومبرگ بلینیئرز انڈیکس میں ٹاپ تھری میں شامل ہوا ہے، رواں برس بھارتی تاجر کے اثاثوں میں اب تک 60 ارب ڈالرز کا اضافہ ہوا ہے اور جولائی میں انہوں نے بل گیٹس کو پیچھے چھوڑ کر دنیا کے چوتھے امیر ترین شخص بنے تھے۔
دنیا کے امیرترین شخصیات کی فہرست میں ایلون مسک 251 ارب ڈالر سے زائد اثاثوں کے ساتھ پہلے، جیف بیزوس 153.4 ارب ڈالر کے ساتھ دوسرے، برنارڈ آرنلٹ 136 ارب ڈالرز کے اثاثوں کے ساتھ چوتھے جبکہ بل گیٹس 117 ارب ڈالرز کے ساتھ دنیا کے 5 ویں نمبر پر ہیں۔
