گزشتہ دنوں کراچی کے آرٹلری تھانے کے مال خانے سے کروڑوں روپے چوری ہونے کے واقعے میں ملوث گرفتار پولیس اہلکار کی خالہ کے گھر سے 25 لاکھ برآمد کرلیے گئے۔
اے آر وائی نیوز کے مطابق 17 اکتوبر کو آرٹلری میدان تھانے کے مال خانے سے کروڑوں روپے چوری ہوئے تھے، ابتدائی تحقیقات میں واردات میں تھانے کے عملے سمیت تین غیر متعلقہ افراد بھی ملوث تھے۔
خفیہ اطلاع پر پولیس نے ملوث ایک اہلکار شہباز کو گرفتار کرلیا تھا اور اس کی نشاندہی پر گزشتہ روز گارڈن کے علاقے میں چھاپہ مار کر ملزم کی خالہ کے گھر سے 25 لاکھ روپے برآمد کرلیے گئے۔
- Advertisement -
رپورٹ کے مطابق مال خانے سے مجموعی طور پر 2 کروڑ، 60 لاکھ، 75 ہزار روپے چوری ہوئے تھے، تمام مسروقہ رقم پولیس نے کامیاب کارروائیوں میں برآمد کرلی ہے جب کہ دیگر ملزمان کی گرفتاری کے لیے پولیس کی کوششیں جاری ہیں۔
