جدہ انٹرنیشنل ایئرپورٹ پر پاکستانی اور دیگر ممالک کے عمرہ زائرین کا غیر معمولی رش ہوگیا جس کی وجہ سے پروازون کے شیڈول میں تبدیلی کرنا پڑی۔
اس حوالے سے ذرائع کا کہنا ہے کہ پاکستانی ایئر لائن پی آئی اے سمیت دیگر چند بڑی ائیرلائنز کی پروازیں حج ٹرمینل منتقل کردی گئیں۔
آپریشن منتقلی کا آغاز پی آئی اے کی پرواز پی کے741 سے ہوگا جو مقامی وقت کے مطابق رات 10بجے جدہ سے روانہ ہوگی۔
- Advertisement -
ذرائع کے مطابق پی آئی اے کی دوسری پرواز پی کے842سمیت تمام پروازیں حج ٹرمینل سے آپریٹ کی جائیں گی۔
ترجمان پی آئی اے نے بتایا ہے کہ پی آئی اے کی تمام پروازوں کی آمد و روانگی آج رات 8 بجے سے حج ٹرمینل سے ہوجائے گی،
ترجمان کا مزید کہنا ہے کہ ممکنہ رش سے بچنے کیلئے تمام مسافروں سے درخواست ہے کہ وہ اپنی پرواز سے 5گھنٹے قبل حج ٹرمینل پر پہنچیں۔
