اسلام آباد : چیف جسٹس عطا عمر بندیال نے ارشد شریف قتل ازخودنوٹس کیس آج ہی سماعت کیلئے مقرر کردیا۔
تفصیلات کے مطابق سپریم کورٹ نے کینیا میں ارشدشریف کے قتل کا ازخود نوٹس لے لیا ، چیف جسٹس نے ارشدشریف قتل ازخودنوٹس کیس آج ہی سماعت کیلئے مقرر کردیا ہے۔
چیف جسٹس کی سربراہی میں 5رکنی لارجربینچ آج ہی کیس کی سماعت کرے گا۔
سپریم کورٹ کی جانب سے سیکریٹری داخلہ ،سیکریٹری خارجہ ، سیکریٹری اطلاعات،ڈی جی ایف آئی اے، صدرپی ایف یو جے کو نوٹس جاری کردیے گئے ہیں۔
خیال رہے ارشد شریف قتل کیس کی عدالتی تحقیقات کے لئے چیف جسٹس سے بذریعہ خط استدعا کی ملک گیر مہم جاری ہے۔
صحافی تنظیم پی ایف یوجے، ارشد شریف شہید کی والدہ اور بیٹی سمیت ہزاروں پاکستانی چیف جسٹس کوخط لکھ چکے ہیں جبکہ گذشتہ روز عمران خان نے بھی چیف جسٹس کو خط لکھا تھا۔
Comments
- Advertisement -
