بنگلادیش میں ایندھن کی قیمتوں میں اضافے اور بجلی کی بندش کے خلاف مظاہروں کا سلسلہ جاری ہے۔
بنگلادیش نیشنلسٹ پارٹی (بی این پی) نے آج وزیراعظم شیخ حسینہ کے خلاف ریلی نکالنے کا اعلان کر رکھا ہے، انہوں نے حکومت سے مستعفی ہو کر نئے انتخابات کرانے کا مطالبہ کر دیا ہے۔
وزیراعظم شیخ حسینہ کے خلاف آج نکالی جانے والی ریلی کو روکنے کیلئے ڈھاکا پولیس نے جگہ جگہ چیک پوائنٹس بنا لیے، اپوزیشن پارٹی بی این پی کے دو اہم رہنماؤں سمیت دو ہزار کارکنان کو گرفتار کر لیا گیا ۔
ڈھاکا پولیس کا کہنا ہے کہ بی این پی کے سیکرٹری جنرل مرزا فخرالاسلا م عالمگیر اور سابق وزیر مرزا عباس کو تشدد پر اُکسانے اور سرکاری کام میں رکاوٹ ڈالنے کے شبہ میں گرفتار کیا گیا ہے۔
واضح رہے کہ بنگلادیش میں ایندھن کی بڑھتی قیمتوں اور بجلی کے شٹ ڈاؤن کے خلاف مظاہرے جاری ہیں، بدھ کو ہونے والے حکومت مخالف مظاہرے میں 1 شخص ہلاک جبکہ درجنوں زخمی ہوئے تھے
