پاکستانی معروف اداکارہ غنیٰ علی کے ہاں بیٹے کی پیدائش ہوئی ہے۔
غنیٰ علی نے فوٹو اینڈ ویڈیو شیئرنگ پیلٹ فارم انسٹاگرام پر گزشتہ شام اپنے شوہر کے ہمراہ نوزائیدہ بیٹےکی تصاویر شیئر کی اور یہ خوشخبری اپنے مداحوں کو دی۔
اداکارہ غنیٰ علی نے بیٹے کی پیدائش پر اللہ کا شکر ادا کرتے ہوئے ایک طویل محبت بھرا کیپشن لکھا، جس میں انہوں نے بیٹے کی پیدائش کے ساتھ اس کا نام بھی بتایا۔
غنیٰ علی نے بتایا کہ انہوں نے اپنے بیٹے کا نام ’محمد علی جاہ عمیر‘ رکھا ہے، ساتھ ہی لکھا کہ ہماری فیملی میں آج ایک بیٹے کی آمد ہوئی ہے، فائجہ (بیٹی) کا بھائی آگیا ہے، ہم خوشی کے ساتھ اپنے بیٹے محمد علی جاہ عمیر کی پیدائش کا اعلان کرتے ہیں۔
View this post on Instagram
واضح رہے کہ غنیٰ علی کے یہاں اس سے قبل ایک بیٹی فائجہ ہے، جس کی پیدائش 2021 میں ہوئی تھی۔
خیال رہے کہ غنیٰ علی اب تک کے پاکستان کے کئی ڈراموں میں اپنی اداکاری کے جوہر دکھا چکی ہیں اس کے علاوہ غنیٰ علی پاکستان کی کچھ مشہور فلموں میں بھی کام کرچکی ہیں جن میں رنگریزہ، مان جاؤ نا، اور کاف کنگنا شامل ہیں۔
