اسلام آباد: وفاقی حکومت نے پاکستان تحریک انصاف (پی ٹی آئی) کے رہنما شہباز گل کی ضمانت مسترد کرنے کی درخواست واپس لے لی۔
سپریم کورٹ میں شہباز گل کی ضمانت منسوخی کی درخواست واپس لینے کی استدعا منظور کرلی گئی۔ چیف جسٹس پاکستان جسٹس عمر عطا بندیال نے ان چیمبر درخواست پر سماعت کی۔
اس موقع پر وفاقی حکومت کی جانب سے اسپیشل پراسیکیوٹر ایڈووکیٹ رضوان عباسی چیمبر میں پیش ہوئے۔رضوان عباسی نے بتایا کہ شہباز گل نے اپنے جرم کو دہرایا، ان کے خلاف نیا مقدمہ بھی درج کرلیا گیا۔
اسپیشل پراسیکیوٹر نے بتایا کہ شہباز گل کی ضمانت منسوخی کے لیے متعلقہ فورم پر درخواست دی جائے گی۔
Comments
- Advertisement -
