ڈرامہ انڈسٹری کی معروف اداکارہ ازیکا ڈینئل کی شیر کے ساتھ ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ ازیکا ڈینئل نے ویڈیو شیئر کی جس میں انہیں شیر کے بچوں کے ساتھ پنجرے میں دیکھا جاسکتا ہے۔
اداکارہ بلا خوف و خطر شیر کے بچوں کے ساتھ بیٹھی ہیں اور بال بھی سنوار رہی ہیں۔
View this post on Instagram
انہوں نے ویڈیو شیئر کرتے ہوئے کیپشن میں شیروں کی تصویر بنائی اور ہیش ٹیگز کا استعمال بھی کیا جس سے اندازہ ہورہا ہے کہ یہ ممکنہ طور پر کسی سیٹ کی ویڈیو ہے۔
ازیکا سوشل میڈیا پر کافی متحرک رہتی ہیں اور اکثر اپنی ویڈیوز اور تصاویر شیئر کرتی رہتی ہیں۔
اس سے قبل بھی انہوں نے تصاویر شیئر کی تھیں جس میں انہیں خوشگوار موڈ میں دیکھا جاسکتا ہے اداکارہ نے کیپشن میں سوال کیا کہ ’کراچی اتنا ٹھنڈا کیوں ہے؟‘
View this post on Instagram
واضح رہے کہ اداکارہ نے اے آر وائی ڈیجیٹل کے ڈرامہ سیریل ’ڈنک‘ میں بلال عباس (حیدر) کی اہلیہ ’منال‘ کا کردار نبھایا تھا۔
ڈنک کی کاسٹ میں نعمان اعجاز، یاسرہ رضوی، لیلیٰ واسطی، کنول خان، فہد شیخ ودیگر بھی شامل تھے۔
