بالی ووڈ کے معروف اداکار رنبیر کپور نے سیلفی لینے والے مداح کا اسمارٹ فون پھینک دیا۔
بھارتی میڈیا رپورٹس کے مطابق اداکار رنبیر کپور کی ویڈیو سوشل میڈیا پر وائرل ہورہی ہے جس میں انہیں مداح کے ساتھ خوشگوار موڈ میں سیلفی لیتے دیکھا جاسکتا ہے۔
تاہم جب مداح سیلفی لینے میں ناکام رہا ہے اور فون چیک کرتا رہا تو رنبیر نے ان سے کہا کہ ’دکھا۔‘
مداح نے اداکار کو جیسے ہی فون دکھایا تو انہوں نے فون پیچھے کی جانب اچھال دیا جس پر مداح سمیت وہاں موجود سبھی لوگ حیران رہ گئے۔
رنبیر کپور کے اس حرکت کی ویڈیو سوشل میڈیا پر وائرل ہورہی ہے انہیں سوشل میڈیا صارفین کی جانب سے تنقید کا نشانہ بنایا جارہا ہے۔
سوشل میڈیا صارفین کا کہنا ہے کہ رنبیر کو مداحوں کے ساتھ اپنے رویے کو بہتر بنانے کی ضرورت ہے۔
کئی صارفین نے کہا کہ رنبیر کپور کو ان کی اہلیہ و اداکارہ عالیہ بھٹ کی جانب سے کچھ آداب سکھانے کی ضرورت ہے۔
