دفترخارجہ نے اقوام متحدہ میں پاکستان کے مستقل مندوب کا بیان جاری کر دیا۔
پاکستان کے مستقل نمائندے منیراکرم کا خواتین کی تعلیم سےمتعلق وضاحتی بیان آگیا جس میں انہوں نے کہا ہے کہ افسوس ہے میرے ریمارکس کو غلط سمجھا گیا یا کسی کےجذبات مجروح ہوئے ہوں۔
منیراکرم نے کہا کہ پشتون ثقافت کی کوئی بےعزتی نہیں کی گئی جو انتہائی ترقی پسند ہے میراحوالہ ایک چھوٹی اقلیت کے’’عجیب نقطہ نظر‘‘کی طرف تھا جس کےنتیجےمیں خواتین پرپابندیاں عائدکی گئی ہیں جو نکتہ پیش کیاوہ یہ تھایہ پابندیاں اسلام،شریعت سےمطابقت نہیں رکھتیں۔
انہوں نے کہا کہ اسلام خواتین کو کام اور تعلیم سمیت تمام حقوق فراہم کرتی ہے پاکستان نےافغان حکومت کو خواتین پر پابندیوں کی مخالفت سےآگاہ کیاہے۔
ان کا کہنا تھا کہ عالمی برادری پر زور دیا وہ افغان حکومت کو ان پابندیوں کو ہٹانےکیلئے قائل کرے عالمی برادری اس دوران افغانستان کیلئےاپنی انسانی امدادجاری رکھے انسانی امداد افغانستان کےغریب عوام کی بقا کیلئے بہت ضروری ہے۔
