ماہ رمضان میں سب کی خواہش ہوتی ہے کہ افطار کے دسترخوان کو زیادہ سے زیادہ لذیذ پکوانوں سے سجایا جائے، جس میں پکوڑے سموسے اور فروٹ چاٹ اور دیگر اشیاء شامل ہیں۔
آج ہم آپ کیلئے ایک اور ڈش کی ترکیب لائے ہیں جو چاٹ تو ہے لیکن فروٹ کا نہیں، اسے بریڈ چاٹ کہتے ہیں جس کو تیار کرنا نہایت آسان ہے اور کم وقت میں بھی تیار ہوجاتا ہے۔
اجزاء :
ڈبل روٹی کے سلائسز چھ عدد۔ سفید چنے(ابلے ہوئے) ایک پیالی۔ آلو(ابلے ہوئے) ایک پیالی۔ نمک حسب ذائقہ۔ پیاز دو عدد درمیانی۔ ٹماٹر دو عدد درمیانے۔ باریک سیو ایک پیالی۔ مونگ پھلی ایک پیالی۔
املی کی چٹنی حسب پسند۔ ہری چٹنی حسب پسند۔ ہرا دھنیا آدھی گٹھی۔ لیموں کا رس تین سے چار کھانے کے چمچ۔ چاٹ مصالحہ حسب پسند۔ کوکنگ آئل حسب ضرورت
ترکیب
ڈبل روٹی کے سلائس کو پھلا کر ہوا میں رکھیں اور اچھی طرح خشک ہونے پر اس کے چھوٹے چوکور ٹکڑے کاٹ لیں۔ ابلے ہوئے آلوؤں کے بھی چوکور ٹکڑے کر لیں۔
فرائنگ پین میں کوکنگ آئل میں ڈبل روٹی کے ٹکڑوں کو سنہری فرائی کرکے نکال لیں۔ پھر اس میں آلوؤں کو فرائی کریں اور آخر میں اسی آئل میں مونگ پھلی کو فرائی کرکے نکال لیں۔
ابلے ہوئے چنوں کو پیالے میں ڈالیں اور اس میں فرائی کئے ہوئے آلو کے ٹکڑے،چوپ کی ہوئی پیاز اور ٹماٹر ڈال کر ملا لیں۔ پھر اس پر نمک اور چاٹ مصالحہ چھڑک دیں۔ اور اب اسے روزہ داروں کیلئے دسترخوان پر سجادیں۔
