بھارت کی ریاست تلنگانہ میں ایک ڈاکٹر نے مریض کا غلط آپریشن کر کے اسے دوہری اذیت میں مبتلا کر دیا۔
میڈیا رپورٹس کے مطابق عیجب و غریب واقعہ تلنگانہ کے شہر حیدرآباد میں پیش آیا جہاں مریض پاؤں کے آپریشن کے لیے اسپتال میں داخل تھا۔ ڈاکٹر نے اس کے متاثرہ پاؤں کے بجائے دوسرے پاؤں کی سرجری کر دی۔
مریض کو دو دن گزر جانے کے بعد اس بات کا علم ہوا تو اس نے اعلیٰ حکام سے شکایت کر دی۔ اسٹیٹ میڈیکل کونسل نے ڈاکٹر کا لائسنس منسوخ کرتے ہوئے انہیں سرٹیفکیٹ ریاستی میڈیکل کونسل کے حوالے کرنے کا حکم دے دیا۔
میڈیکل کونسل کے حکام نے تحقیقات شروع کی تو ڈاکٹر نے اپنی غلطی تسلیم کرلی جس پر مزید کارروائی کا امکان ہے۔ اب تک معلوم نہیں ہو سکا کہ مریض کے پاؤں میں کیا مسئلہ تھا جس کی وجہ سے اسے آپریشن کروانے کی ضرورت پڑی۔
Comments
- Advertisement -
