فیصل آباد: وفاقی وزیر داخلہ رانا ثنااللہ نے سی پیک منصوبوں میں تاخیر کا ذمے دار عمران خان کو قرار دے دیا۔
تفصیلات کے مطابق فیصل آباد کے علاقے پنیسرہ میں عوامی اجتماع سے خطاب کرتے ہوئے وفاقی وزیر داخلہ نے سابق وزیراعظم کو نشانے پر رکھا اور کہا کہ ایک سازش کےتحت عمران خان کو لایا گیاہے، جس کا مقصد ملک میں افراتفری پھیلانا ہے۔
رانا ثنااللہ نے کہا کہ عمران خان نے چینی صدرکےدورے پردھرنا ختم کرنےسےانکارکیا،جس کی وجہ سے سی پیک منصوبےمیں ایک سال کی تاخیرہوئی۔
یہ بھی پڑھیں: حکومت اور پی ٹی آئی مذاکرات کا وقت اچانک تبدیل کردیا گیا
قائد مسلم لیگ (ن) نواز شریف کا تذکرہ کرتے ہوئے وفاقی وزیر داخلہ نے کہا کہ نوازشریف کےاقدامات کی وجہ سےملک سےدہشت گردی کا خاتمہ ہوا۔
سابق چیف جسٹس ثاقب کو کڑی تنقید کا نشانہ بناتے ہوئے وزیر داخلہ نے کہا کہ ثاقب نثار ملک کیلئےبابا رحمتےنہیں بلکہ بابا زحمتے ثابت ہوا، اس نے نوازشریف کو بیٹے سےتنخواہ نہ لینے پرنااہل کیا اور آج ثاقب نثارکی اولاد اور رشتہ دار لوگوں کو ٹانگیں توڑنے کی دھمکیاں دےرہےہیں۔
