اسلام آباد: پاکستان تحریک انصاف کے رہنماؤں کی گرفتاری کے لیے چھاپوں کا سلسلہ بدستور جاری ہے، گزشتہ رات مزید کئی رہنماؤں کے گھروں پر چھاپے مارے گئے اور چادر و چار دیواری کی حرمت پامال کی گئی۔
تفصیلات کے مطابق پولیس نے پاکستان تحریک انصاف کے رہنماؤں عمر ایوب، علی نواز اعوان، حماد اظہر اور خرم نواز کی گرفتاری کے لیے ان کے گھروں پر چھاپے مارے۔
پی ٹی آئی رہنما عمر ایوب کے فیملی ذرائع نے بتایا کہ اسلام آباد میں ان کی رہائش گاہ پر پولیس کا چھاپا پڑا، تاہم سابق وزیر گھر میں موجود نہیں تھے، پولیس عمر ایوب کے 3 ملازمین کو گرفتار کر کے ساتھ لے گئی۔
Armed Islamabad Police without a warrant raided & searched my house. Abducted my staff & threatened to arrest my 16 yrs old son who is taking his O level exams. This is the level this imported govt is stooping to. @PTIofficial @UNHumanRights pic.twitter.com/gge2a36Bov
— Omar Ayub Khan (@OmarAyubKhan) May 23, 2023
ادھر اسلام آباد میں پی ٹی آئی رہنما علی نواز اعوان کے گھر پولیس کا تیسرا چھاپا پڑا، تاہم پولیس چھاپے کے دوران علی نواز اعوان گھر پر موجود نہیں تھے۔
حماد اظہر نے ٹوئٹ کرتے ہوئے کہا ’’میرے گھر چوتھا چھاپا پڑا، میرے 82 سالہ والد کو وارننگ دی گئی کہ ان کی بیٹی کو بھی گرفتار کیا جا سکتا ہے، جس پر والد نے جواب دیا کہ بیٹی اور بچوں کی بجائے وہ خود گرفتاری دے دیتے ہیں، حماد اظہر نے کہا میرے دادا میاں فضل تحریک پاکستان کے سپاہی تھے۔
میرے گھر چوتھا چھاپہ پڑا۔ میرے 82 سالہ والد کو وارننگ دی گئی کے ان کی بیٹی کو بھی لے جا سکتے ہیں۔ انھوں نے جواب دیا کے بیٹی اور بچوں کی بجائے وہ خود گرفتاری دے دیتے ہیں۔ یہ بیان دیتے ان کی وڈیو بھی بنائی گئی۔
میرے والد میاں محمد اظہر نے ساری عمر ایمانداری سے اعلی عہدوں پر ملک کی… pic.twitter.com/6SwfmEM01K— Hammad Azhar (@Hammad_Azhar) May 23, 2023
اسلام آباد میں پی ٹی آئی رہنما راجہ خرم نواز کے گھر بھی پولیس نے چھاپا مارا ہے، پی ٹی آئی ذرائع کا کہنا ہے کہ خرم نواز کی گرفتاری کے لیے رشتہ داروں کے گھروں پر بھی چھاپے مارے گئے لیکن وہ گرفتار نہیں ہو سکے ہیں۔
