اسلام آباد : سندھ میں گیس کے نئے ذخائر دریافت کرلئے گئے، تیل و گیس کی تلاش کیلئے 1016 میٹر گہرا کنواں کھودا گیا تھا۔
تفصیلات کے مطابق تیل و گیس کے شعبے میں پاکستان کیلئے بڑی خوشخبری آگئی، ماڑی پیٹرولیم نے سندھ سے گیس کے نئے ذخائر دریافت کرلئے۔
سندھ میں غازیج ون کنویں سے ون 11 ایم ایم سی ایف ڈی گیس دریافت کی گئی ، ماڑی پیٹرولیم کی جانب سے تیل وگیس کی تلاش کیلئے1016میٹر گہرا کنواں کھودا گیا تھا۔
یاد رہے رواں سال جون میں خیبر پختونخوا میں تیل و گیس کی بڑی فیلڈ کو قبل از وقت آپریشنل کردیا گیا تھا اور ضلع لکی مروت میں ولی فیلڈ سے یومیہ 1 ہزار بیرل تیل اور 10 ایم ایم سی ایف ڈی گیس کی پیداوار شروع کر دی تھی۔
او جی ڈی سی کا کہنا تھا کہ تیل و گیس کی فیلڈ کو 24 گھنٹے میں قومی پیداوار سے جوڑ دیا جائے گا، ولی فیلڈ کے دو مزید کنووں سے سے پیداوار جلد شروع ہونے والی ہے۔
او جی ڈی سی کے مطابق دونوں کنووں سے گیس سسٹم میں آنے سے گیس کی یومیہ پیداوار 50 ایم ایم سی ایف ڈی ہوجائے گی۔
