حیدرآباد : شادی کی تقریب میں فائرنگ سے رقاصہ جاں بحق ہوگئی ، پولیس نے واقعے کا مقدمہ درج کرلیا ہے۔
تفصیلات کے مطابق حیدرآباد میں شادی کی تقریب میں فائرنگ سے رقاصہ جاں بحق ہوگئی، پولیس نے رقاصہ کی ہلاکت کا مقدمہ درج کرلیا۔
واقعہ حیدرآباد کے ٹنڈو جام کے نواحی علاقے میں واقع گاؤں نصیر خان میں ایک شادی میں پیش آیا.
پولیس حکام کا کہنا تھا کہ مقدمہ تھانہ ٹنڈوجام میں رقاصہ کے والدکی مدعیت میں درج کیا گیا، مدعی مقدمے نے کہا کہ بیٹی شادی میں ڈانس پروگرام کرتی تھی، فائرنگ کرکے قتل کیا گیا۔
مقدمے میں دلہا سمیت پانچ ملزمان کو نامزد کیا گیا ہے، ملزمان فرار ہیں ، جن کی گرفتاری کیلئےکارروائی کی جارہی ہے۔
واقعے کے بعد سینئر سپرنٹنڈنٹ پولیس (ایس ایس پی) خیرپور توحید الرحمان میمن نے غفلت برتنے پر پولیس اہلکاروں کے خلاف سخت کارروائی کی۔
انہوں نے پولیس فورس پر زور دیا کہ وہ تعزیری کارروائیوں سے بچنے کے لیے خلوص اور عزم کے ساتھ عوام کی خدمت کریں۔