لاہور: پنجاب میں سزائے موت کے دو قیدیوں کو علی الصبح تختۂ دارکے حوالے کردیا گیا۔
تفصیلات طیب اور جعفر نامی مجرمان کی سزا کے حکم نامے پر لاہور اور ساہیوال میں عمل در آمد کیا گیا۔
طیب کو کوٹ لکھپت جیل لاہور میں جبکہ جعفر کو ساہیوال سینٹرل جیل میں دہرے قتل کے جرم میں سزا دی گئی۔
طیب نے سال 2002 میں ایک شخص کو جبکہ جعفر نے 1997 میں دو افراد جن میں سے ایک خاتون تھیں کہ قتل کے جرم میں سزائے موت سنائی گئی تھی۔
دریں اثناء بلوچستان کی مچھ جیل میں آج دی جانے والی دو سزائے موت ملتوی کردیں گئی۔
جیل سپرٹنڈنٹ محمد اسحاق زہری نے میڈیا کو بتایا کہ دونوں مجرمان محمد اسماعیل اور محمد زمان کو آج سزائے موت دی جانی تھی لیکن مجرموں کے اہل ِخانہ اور مقتولین کے اہل ِ خانہ کے درمیان معاہدہ طے پاجانے کی صورت میں پھانسی کو موخر کیا گیا۔
معاہدے کی کاپی جوڈیشل مجسٹریٹ جو بھی فراہم کردی گئی جس کے بعد دونوں کی سزائے موت ختم کردی گئی۔
