لندن: برطانیہ میں مقیم شام سے تعلق رکھنے والا سرگرم سماجی کارکن لندن کے شمال مغربی علاقے میں اپنی کار میں مردہ حالت میں پایا گیا، مقتول کو گولی مار کر ہلاک کیا ہے وہ شامی صدر بشار الاسد کے خلاف کافی متحرک تھا۔
پولیس ذرائع کے مطابق ایک مقامی شخص نے واقعے کی اطلاع دی اور جب پولیس میڈیکل عملے کے ساتھ جائے وقوعہ پر پہنچی تو مقتول اپنی جان کی بازی ہار چکے تھا۔
برطانوی نشریاتی ادارے نے مقتول کی شناخت عبدل ہادی اروانی کے نام سے کی ہے جو کہ ایک شیف تھے اور اس سے قبل لندن کی مسجد میں امام کے فرائض بھی انجام دیتے رہے تھے۔
لندن پولیس نے مقتول کی تاحال شناخت جاری نہیں کی ہے صرف اتنا کہا ہے کہ 40 سالہ شخص کی موت کی تحقیقات جاری ہیں۔
مقتول اروانی کے دوستوں اور حامیوں نے ان کو خراج تحسین پیش کرتے ہوئے اس سے اپنی دلی لگاؤ کا اظہار کیا، گوانتانامو بے کے ایک سابق قیدی معظم بیگ نے سماجی رابطے کی ویب سائٹ ٹویٹر پر کہا کہ ’’ اللہ اروانی پر رحم کرے‘‘۔
