یمن: حوثی باغیوں کے ٹھکانوں پر اتحادی افواج کے فضائی حملے جاری ہیں، تازہ حملوں میں یمن کے مختلف علاقوں میں بمباری کی گئی، عدن میں بدستور شدید جھڑپیں جاری ہیں، باغیوں کے حملے میں بائیس افراد ہلاک ہوگئے۔
یمن میں سعودی عرب کی زیرِقیادت حوثی باغیوں کے خلاف کارروائی میں باغیوں کے ٹھکانوں کونشانہ بنایا جا رہا ہے، اتحادی فوج نے صنعا سمیت مختلف شہروں میں باغیوں کے ہتھیاروں کے ذخائر،باغیوں کے زیرقبضہ گیس پلانٹ دیگرمقامات پر بمباری کی۔
اقوام متحدہ کا کہنا ہے کہ یمن کے بحران سے بے گھرافراد کے لئے عالمی برادری کی مدد کی ضرورت ہوگی۔ یمن میں اتحادیوں کی کارروائیوں اورجھڑپوں میں ہلاک افراد کی تعداد چھ سوسے زائد ہوگئی ہے، جس میں خواتین اور بچے بھی شامل ہیں۔
