الاسکا : الاسکا ایئرلائن کے کارگو میں پھنسے شخص کو نکالنے کیلئے جہاز کی ہنگامی لینڈنگ کرائی گئی۔
غیر ملکی خبر رساں ادارے کے مطابق الاسکا سے ایک سو ستر مسافروں کولاس اینجلس لے جانے والی پرواز نے معمول کے مطابق اڑان بھری تاہم کچھ دیر بعد ہی جہاز کے کارگو سے زور زور سے دستک دینے کی آواز آنا شروع ہوگئی۔
- Advertisement -
جس سے مسافروں میں خوف و ہراس پھیل گیا۔
جہاز کےعملے نے واقعے کا فوری طور پرنوٹس لیتے ہوئے اس کی اطلاع پائلٹ کو دی، جس کے بعد جہاز کو ہنگامی بنیادوں پر قریبی سیئٹل ایئرپورٹ پراتار کر کارگو میں پھنسے شخص کو فوری طور پر ریسکیو کیا گیا، جو سامان لوڈ کرنے کے بعد کارگو میں ہی سوگیا تھا۔
