بھارتی وزیر اعظم نریندر مودی نے پڑوسی ملک بنگلادیش کا دو روزہ دورہ کیا، اس موقع پر نریندر مودی نے بنگلہ دیشی وزیر اعظم کو سقوط ڈھاکہ 1971 کی تصویر تحفے میں دی۔
گزشتہ روز بھارتی وزیر اعظم نے پاکستان کے خلاف بنگا بندھو انٹرنیشنل کنونشن سینٹر میں سخت زبان استعمال کرتے ہوئے، خطے میں بنگلا دیش کے ساتھ مل کر دہشتگردی سے مقابلہ کرنے کے عزم کا اظہار کیا، انہوں نے ڈھاکا یونیورسٹی میں الزام تراشی کرتے ہوئے کہا کہ ’پاکستان آئے روز بھارت کو تنگ کرتا ہے، جو ناکو دم لا دیتا ہے، دہشتگردی کو بڑھاوا دیتا ہے۔
نریندر مودی نے بنگلہ دیشی وزیراعظم شیخ حسینہ کو سقوط ڈھاکہ 1971 کی تصویر تحفے میں دی۔ جس میں پاکستان کی جانب سے جنرل نیازی کو ہتھیار ڈالنے کے معاہدہ پر دستخط کرتے ہوئے دیکھایا گیا ہے ،مودی نے سقوط ڈھاکا کے دوران 93000پاکستانیوں کے بھارتی قیدی بننے کے بارے کہا تھا کہ اگر ہماری ذہنیت خراب ہوتی، تو نہیں جانتے کہ اس وقت کیا فیصلہ لیتے۔
مودی کے بیان سے ثابت ہوگیا کہ مشرقی پاکستان میں دہشتگردی اور مسلح جتھوں کو بھارتی مدد حاصل تھی، جنہوں نے حالات خراب کئے۔
