امریکا کی ریاست مسی سپی میں فائرنگ سے 6 افراد ہلاک ہوگئے۔
غیر ملکی میڈیا رپورٹ کے مطابق ریاست میسی سپی کی ٹیٹ کاؤنٹی میں 52 سالہ حملہ آور نے فائرنگ کی، فائرنگ کے نتیجے میں 6 افراد ہلاک ہوگئے۔
پولیس کے مطابق گرفتار حملہ آور نے 3 مختلف مقامات پر شہریوں کو نشانہ بنایا، ہلاک افراد میں حملہ آور کی اہلیہ بھی شامل ہے۔
- Advertisement -
غیرملکی میڈیا کے مطابق بظاہر لگ رہا ہے کہ ملزم نے اکیلے ہی واردات کو انجام دیا ہے، تاحال فائرنگ کی وجوہات سامنے نہیں آسکیں۔
واضح رہے کہ امریکا میں رواں سال فائرنگ کے 73واقعات پیش آچکے ہیں، لیکن ریپبلکنز اور ڈیموکریٹس میں گن کنڑول کے معاملے پر اختلاف برقرار ہے۔
