پاکستان کرکٹ ٹیم کے مایہ ناز سابق آل راؤنڈر عبد الرزاق نے سابق چیف سلیکٹر انضمام الحق کے مستعفی ہونے کے بعد آنے والے نئے چیف سلیکٹر کے متعلق پیش گوئی کردی ہے۔
نجی چینل کے پروگرام میں بات کرتے ہوئے عبدالرزاق نے کہا کہ سابق کپتان شاہد آفریدی کے چیف سلیکٹر بننے کے امکانات روشن ہیں۔
سابق آل راؤنڈر نے کہا کہ پاکستان کو نیوزی لینڈ کے خلاف 350 سے زیادہ ٹارگٹ دینا ہوگا، فخر زمان کو لمبی اننگ کھیلنی پڑے گی، شاہین کو پچ کے مطابق بولنگ کرنی ہوگی۔
انہوں نے کہا کہ کرکٹ بورڈ کی ذمہ داری ہے کہ کھلاڑیوں کا خیال رکھے، کسی کے ہونے نہ ہونے سے ٹیم کو فرق نہیں پڑتا، نسیم شاہ کا فرق اس لئے پڑرہا ہے کیوں کہ ہم نے کوئی دوسرا تیار نہیں کیا۔
واضح رہے کہ پاکستان اور نیوزی لینڈ کے درمیان ورلڈکپ میں اہم مقابلہ بنگلورو میں جاری ہے، قومی ٹیم کو سیمی فائنل تک رسائی کی امیدوں کو برقرار رکھنے کیلیے میچ جیتنا انتہائی ضروری ہے۔ جبکہ نیوزی لینڈ کے فاسٹ بولر میٹ ہینری ہیمسٹرنگ کے باعث ورلڈ کپ سے باہر ہوگئے ہیں۔
