لاہور : ایڈووکیٹ لطیف کھوسہ کے گھر پر فائرنگ کرنیوالے ملزم کو گرفتار کرلیا گیا، ملزم نے انکشاف کیا کہ سیاسی جماعت کےرہنما زبیر نیازی کے کہنے پر لطیف کھوسہ کے گھر فائرنگ کی، جس کے بعد اعتزاز احسن کے گھر پر فائرنگ کرنا تھی۔
تفصیلات کے مطابق ڈی آئی جی انویسٹی گیشن کامران عادل نے میڈیا نمائندوں سے گفتگو کرتے ہوئے کہا کہ ایڈووکیٹ لطیف کھوسہ کے گھر پر فائرنگ کرنیوالے ملزم کو گرفتار کرلیا گیا ہے ، گرفتارشوٹر محسن عرف لمبا سابقہ ریکارڈیافتہ اور پیشہ ور ملزم ہے۔
ملزم نے اعتراف جرم کرتے ہوئے کہا کہ سیاسی جماعت کے رہنما زبیر نیازی کے کہنے پر لطیف کھوسہ کے گھر پر فائرنگ کی، زبیر نیازی نے اپنا ایک بندہ گھر کی نشاندہی کیلئےساتھ بھجوایا تھا۔
کامران عادل کا کہنا تھا کہ ملزم نے انکشاف کیا کہ ایڈووکیٹ لطیف کھوسہ کے بعد ایڈووکیٹ اعتزازاحسن کے گھر پر بھی فائرنگ کرنا تھی۔
ڈی آئی جی انویسٹی گیشن نے بتایا کہ 10لاکھ روپے میں معاوضہ طے ہوا،ملزم 1لاکھ روپےایڈوانس وصول کر چکا تھا، ملزم تھانہ ملت پارک کےاقدام قتل کے مقدمےکا مفرور اشتہاری بھی ہے۔
