بالی ووڈ کی معروف اداکارہ اروشی روٹیلا نے نسیم شاہ کو سالگرہ کی مبارک باد دے دی۔
فوٹو اور ویڈیو شیئرنگ ایپ انسٹاگرام پر اداکارہ اروشی روٹیلا نے فاسٹ بولر نسیم شاہ کو سالگرہ کی مبارک باد دی جس پر نسیم شاہ نے ان کا شکریہ بھی ادا کیا ہے۔
دراصل نسیم شاہ نے پانچ روز قبل شاداب خان کو شادی کی مبارک باد دیتے ہوئے ان کے ساتھ اپنی تصویر شیئر کی تھی۔
اس پوسٹ پر اروشی نے نسیم شاہ کو سالگرہ کی مبارک بادی اور ڈی ایس پی کا اعزازی عہدہ ملنے پر بھی مبارک پیش کی جس پر فاسٹ بولر نے بھی ان کا شکریہ ادا کیا۔
نسیم شاہ آج اپنی 20ویں سالگرہ منا رہے ہیں جس پر انہیں ساتھی کھلاڑیوں اور مداحوں کی جانب سے مبارک باد پیش کی جارہی ہے۔
واضح رہے کہ اروشی روٹیلا کی بھارتی کرکٹ رشبھ پنت کے ساتھ کی خبریں وائرل ہوتی رہی ہیں جس کے بعد اداکارہ نے نسیم شاہ کی پوسٹ پر کمنٹ کیا تھا جو وائرل ہوگیا تھا۔
