ارجنٹینا کو 36 سال بعد فٹبال کا عالمی چیمپئن بنانے اور ورلڈ کپ کی ٹرافی اٹھانے کے بعد کپتان لیونل میسی نے بڑا یو ٹرن لے لیا۔
ارجنٹینا کے کپتان لیونل میسی جنہوں نے ورلڈ کپ کے آغاز سے قبل اس میگا ایونٹ کو اپنا آخری ایونٹ کہا تھا اور کئی بار صحافیوں کو انٹرویو میں انہوں نے ورلڈ کپ فائنل کے بعد کھیل سے ریٹائرمنٹ کا عندیہ دیا لیکن عالمی چیمپئن بننے کے بعد ان کی سوچ میں تبدیلی آگئی اور انہوں نے ریٹائرمنٹ کا فیصلہ واپس لے لیا ہے۔
قطر میں فیفا ورلڈ کپ 2022 کا فائنل جیتنے کے بعد جب انہوں نے ورلڈ کپ کی ٹرافی اٹھائی تو ان کی سوچ بھی تبدیل ہوگئی اور انوہں نے کہا کہ وہ چیمپئن کھلاڑی کی حیثیت میں کھیل کو مزید انجوائے کرنا چاہتے ہیں اور ابھی وہ ملک کی مزید نمائندگی کرنا چاہتے ہیں۔
واضح رہے کہ 35 سالہ لیونل میسی نے ارجنٹینا کے فائنل میں پہنچنے کے بعد انٹرنیشنل فٹبال کو خیرباد کہنے کا اعلان کیا تھا اور کہا تھا کہ یہ فائنل ان کا آخری انٹرنیشنل میچ ہوگا۔
