اسلام آباد: وفاقی وزیر برائے ترقی و منصوبہ بندی احسن اقبال کا کہنا ہے کہ ہائر ایجوکیشن کمیشن کا ترقیاتی بجٹ جو 26 ارب تھا، 131 فیصد اضافے کے ساتھ 60 ارب کر دیا گیا ہے۔
تفصیلات کے مطابق وفاقی وزیر برائے ترقی و منصوبہ بندی احسن اقبال نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ سنہ 2022 میں ہمیں 550 ارب کا ترقیاتی بجٹ ورثے میں ملا تھا۔
احسن اقبال کا کہنا تھا کہ 550 ارب کے اس ترقیاتی بجٹ کو 24-2023 کے بجٹ میں 100 فیصد اضافے 1100 ارب تک پہنچا دیا ہے۔
انہوں نے کہا کہ اس سے ترقیاتی منصوبوں کو بروقت مکمل کرنے اور ترقی کا پہیہ چلانے میں مدد ملے گی۔
وفاقی وزیر کا مزید کہنا تھا کہ ہائر ایجوکیشن کمیشن کا ترقیاتی بجٹ 26 ارب ملا تھا جسے 131 فیصد اضافے کے ساتھ 60 ارب کر دیا گیا ہے، اس سے نوجوانوں کے مستقبل کو محفوظ بنانے میں مدد ملے گی۔
مجھے خوشی ہے کہ 2022 میں ہمیں Rs 550b کا جو ترقیاتی بجٹ ورثہ میں ملا تھا اسے 2023-24 کے بجٹ میں 109% اضافہ کیساتھ Rs 1,150b تک پہنچا دیا گیا ہے جس سے ترقیاتی منصوبوں کو بروقت ختم کرنے اور ملک میں ترقی کا پہیہ چلانے میں مدد ملے گی۔ دوسرے ہائیرایجوکیشن کمیشن کا ترقیاتی بجٹ جو ہمیں… pic.twitter.com/xAKPQrTWE8
— Ahsan Iqbal (@betterpakistan) June 9, 2023
