نئی دہلی: بالاکوٹ حملے کے سلسلے میں سابق بھارتی ہائی کمشنر نے بھارتی وزیر اعظم نریندر مودی کے جھوٹ سے نقاب اتار دیا۔
تفصیلات کے مطابق اجے بساریہ نے بالاکوٹ حملے میں کامیابی کے بھارتی دعوے کا بھانڈا پھوڑ دیا، پاکستان میں بھارت کے سابق ہائی کمشنر اجے بساریہ نے اعتراف کیا ہے کہ پلوامہ حملے کے ردعمل میں بھارت کی طرف سے کیے گئے بالاکوٹ فضائی حملے کی کامیابی کا کوئی ٹھوس ثبوت نہیں ہے۔
بھارتی صحافی کرن تھاپر کو انٹرویو دیتے ہوئے انھوں نے تسلیم کیا کہ بھارت میں وزیر اعظم نر یندر مودی کی حکومت نے اب تک بالا کوٹ حملے میں کامیابی کے بارے میں نہیں بتایا، بالاکوٹ حملے میں کامیابی محض بیانیہ تھا۔
واضح رہے کہ بھارت نے بالاکوٹ میں دہشت گرد اڈے کو نشانہ بنانے کا دعویٰ کیا تھا، جب کہ اس وقت اجے بساریہ پاکستان میں بھارت کے ہائی کمشنر تھے۔
Comments
- Advertisement -
