بالی ووڈ اداکارہ عالیہ بھٹ کی ایک ویڈیو سوشل میڈیا پر وائرل ہو گئی ہے جس میں انھوں نے اپنے شوہر رنبیر کپور سے متعلق ایک اہم بات بتائی ہے۔
عالیہ بھٹ کا کہنا ہے کہ ان کے شوہر رنبیر کو پسند نہیں کہ غصے میں بھی ان کی آواز اونچی ہو، یہ بات انھوں نے ایک ویڈیو میں بتائی ہے، جسے انسٹاگرام پر شیئر کیا گیا ہے۔
ویڈیو میں عالیہ بھٹ نے کہا ’میں اپنے غصے پر قابو پانے کی بہت کوشش کرتی ہوں، کیوں کہ میرے شوہر رنبیر کپور کو یہ بھی نہیں پسند کہ میری آواز اِس سے بھی اونچی ہو، کیوں کہ وہ سمجھتے ہیں کہ غصے میں بھی مہربان رہنا بہت اہم ہے۔‘
عالیہ بھٹ کا کہنا تھا کہ رنبیر کپور چاہتے ہیں کہ غصے میں بھی اُن کی آواز اونچی نہ ہو اور انسان غصے میں بھی مہربان رہے۔ یاد رہے کہ بالی ووڈ کے اس خوب صورت جوڑے کی شادی 14 اپریل 2022 میں ہوئی تھی۔
کرن جوہر کی ہدایت کاری میں بننے والی فلم ’’راکی اور رانی کی پریم کہانی‘‘ 28 جولائی کو ریلیز ہونے والی ہے، جس میں عالیہ بھٹ اور رنویر سنگھ نے مرکزی کردار ادا کیے ہیں۔
