اسلام آباد : صدر مملکت عارف کی جانب سے وزیراعظم شہباز شریف کو اعتماد کا ووٹ لینے کے خدشے کے پیش نظر اتحادیوں سے رابطے تیز کر دیئے ہیں۔
تفصیلات کے مطابق وزیراعظم شہباز شریف سے اعتماد کا ووٹ لینے کے خدشے کے پیش نظر اتحادی حکومت نے مشترکہ حکمت عملی اپنانے کیلئے کوششں شروع کردیں۔
وفاقی حکومت نے اراکین پارلیمنٹ کو اسلام آباد پہنچنے کی ہدایت کردی ہے۔
ذرائع کا کہنا ہے کہ سینیٹ اور قومی اسمبلی اجلاس سے قبل مشاورتی اجلاس اور سینیٹ میں حکومتی اتحادیوں کی مشترکہ پارلیمانی پارٹی کا اجلاس آج طلب کرلیا گیا ہے۔
اجلاس کی صدارت وفاقی وزیر قانون اعظم نذیرتارڑ اور سینیٹر سلیم مانڈوی والا کریں گے، ذرائع کا کہنا ہے کہ قومی اسمبلی ا ور سینیٹ کے اراکین کو حاضری یقینی بنانے کی ہدایت کر دی گئی ہے۔
یاد رہے عمران خان نے وفاقی حکومت کو ٹف ٹائم دینے کی حکمت عملی اور وزیر اعظم شہباز شریف کے خلاف اعتماد کے ووٹ کی کارروائی کی منظوری دے دی ہے اور اس ضمن میں ضروری اقدامات کی پارٹی رہنماؤں کو ہدایت کردی۔
