امریکی پاپ گلوکارہ میڈونا بھی فلسطین کے حق میں بول پڑیں۔
7 اکتوبر کو حماس کی جانب سے اسرائیلی سر زمین پر حملے کی خبروں کے بعد اسرائیل نے غزہ پر تابڑ توڑ حملوں کا سلسلہ شروع کردیا جو تاحال جاری ہے۔
اسرائیل کی جانب سے فلسطینیوں پر کیے جانے والی بمباری میں اب تک 2500 افراد شہید ہوگئے ہیں اور اس تعداد میں ہر گزرتے لمحے کے ساتھ اضافہ ہو رہا ہے۔
دنیا بھر سے عام عوام اور معروف شخصیات اس دل دہلا دینے والی جنگ پر اپنی اپنی رائے کا اظہار کرتے نظر آرہی ہیں اور اب امریکی پاپ گلوکارہ میڈونا بھی بول پڑیں ہیں۔
امریکی پاپ گلوکارہ میڈونا نے لندن میں اپنے کنسرٹ شروع ہونے سے پہلے کہا غزہ میں خواتین، بچوں اور بوڑھوں کو تکلیف میں دیکھ کر میرا دل ٹوٹ گیا ہے۔
انہوں نے کہا کہ غزہ کی صورتحال دیکھ کر دل خون کے آنسو رو رہا ہے، اگر ہم سب متحدہ ہوجائیں تو نہ صرف مشرق وسطٰی بلکہ پوری دنیا میں امن لاسکتے ہیں۔
