لاہور: عوامی نیشنل پارٹی کے سینئر رہنما عمرفاروق نے مریم نواز کو اڑے ہاتھوں لیتے ہوئے کہا کہ مریم سارا ملبہ پی ڈی ایم پر ڈالنا چاہتی ہے۔
تفصیلات کے مطابق عوامی نیشنل پارٹی کے سینئر رہنما عمرفاروق نے اےآروائی نیوز کو انٹرویو دیتے ہوئے کہا مریم نواز سارا ملبہ پی ڈی ایم پر ڈالنا چاہتی ہے، مریم یہ بتائیں کہ وزیراعظم کون ہےاوربڑی وزارتیں کس کےپاس ہیں۔
ان کا کہنا تھا کہ شریفوں کےگھرکی سیاست ہےکہ چاچاوزیراعظم ہےاورمریم کہتی ہیں ہماری حکومت نہیں، مریم نواز یہ کہہ کرمستقبل میں اپنے وزیراعظم بننے کی راہ ہموار کررہی ہیں۔
رہنما اے این پی نے کہا کہ ہم تو دوسری پارٹی ہیں،ان کےتو اپنے سینئر رہنما حکومت سےناخوش ہیں، 4ماہ تک ان کےکسی وزیر کو دیکھا نہیں جبکہ پی ٹی آئی پر دباو ڈالتے تھے تو ان کے وزیر آجاتے تھے۔
سینیٹر عمر فاروق نے واضح کیا کہ ہم وزارتوں کےلیے اصولوں پر سمجھوتا نہیں کریں گے جیسا کیپٹن صفدر نےکیا، کیپٹن صفدر کو اللہ پاک نے ہدایت دی اور انہوں نے سچ بول دیا۔
