لاہور : اینٹی کرپشن پنجاب نے پرویز الہٰی کے سابق پرنسپل سیکریٹری محمد خان بھٹی کے گھر میں درازوں اور الماریوں میں چھپائے گئے ایک کروڑ روپے برآمد کرلئے۔
تفصیلات کے مطابق اینٹی کرپشن پنجاب نے کارروائی کرتے ہوئے پرویز الہٰی کے سابق پرنسپل سیکریٹری محمد خان بھٹی کے گھر سے ایک کروڑ روپے برآمد کرلئے۔
اینٹی کرپشن حکام نے بتایا کہ محمد خان بھٹی کے گھر جی اوآرون سے ایک کروڑ روپے قبضے میں لیے، محمد خان بھٹی نے گھر میں درازوں اور الماریوں میں پیسے چھپائے ہوئے تھے۔
- Advertisement -
حکام کا کہنا تھا کہ رقم مختلف منصوبوں کےٹھیکوں کی کمیشن کی مدمیں وصول کی گئی تھی، افسران کے تبادلوں کے عوض وصول کی گئی رقم بھی شامل ہے۔
محمد خان بھٹی کے خلاف اینٹی کرپشن لاہور ریجن میں مقدمہ درج ہے اور ان کیخلاف ترقیاتی منصوبوں میں بھاری کمیشن وصول کرنے کا الزام ہے۔
